WILLEMSTAD: Den Medionan social a sali un video-selfie, unda e homber Curasoleño biba na Hulanda,
ta expresa su frustracion pa cu actitud di un Polis na Curacao, y pesey via e video ta pidi su followers pa mata e Polis cu dal un homber wanta durante su detencion.
E forma di menaza aki a wordo mira como inaceptable pa Cuerpo Policial di Curacao, y pesey autoridadnan di e isla a haci un peticion na Husticia Hulandes, pa nan busca e homber aki, pa asina atende cune.
E tipo di “menaza internacional” aki ta inaceptable. Polis di Curacao a bisa cu nan no ta tolera ni acepta ningun clase di menaza contra un of mas di su miembronan.
E persona aki ultimo tempo ta usando su social media como un plataforma pa saca su ‘gal’ riba hopi asunto cu ta pasando na e isla di Curacao, siendo cu e mes no ta bibando mas na e isla. Algun hende a opina cu e ta haciendo algo laf, y mas bien el a bira un ‘social media warrior’.
