McDonald’s ta Evoluciona nan Hamburgernan Clasico

Cambionan chikito, diferencianan grandi haciendo hamburgernan clasico “Hotter, Juicier y Tastier”

Oranjestad, 14 di September 2023 -- Durante un anochi elegante McDonald’s a sorprende invitado y amantenan di e hamburgernan clasico manera e Big Mac®, Quarter Pounder® y Cheeseburger, cu Cambionan Chikito por haci Diferencianan Grandi. Esaki ta cambionan chikito den ingrediente, preparacion y e proceso di cushina cu ta haci nan “Hotter, Juicier y Tastier.” 

E cambionan ta inclui e creacion di 3 receta nobo pa haci e pan mas suave y duna un sabor unico, adicion di 3,5 gram di siboyo corta chikito riba e carni na momento cu e ta riba e grill pa asina enrikece e sabor, ahustacion di e temperatura pa e keshi smelt perfectamente y a aumenta e saus di Big Mac®cu50%. Tur e cambionan aki, fuera di presenta un sabor mas eleva di nan hamburgernan clasico , ta wordo realisa cu ingredientenan sin sabor of color artificial. 

“E curason di nos marca ta nos productonan clasico y nos hendenan. Na McDonald’s semper nos ta busca maneranan di evoluciona pa cumpli cu e necesidadnan y expectativanan di nos clientenan. Nos ta desaroya nos forsa laboral pa brinda e miho experencia trahando hunto cu nos provedornan pa sigura e miho ingredientenan di e calidad mas halto. Nos ta orguyoso di tin provedornan reconoci, certifica y cu ta adheri na e standardnan halto di operacion, calidad, responsabilidad social, y siguridad di alimento. Hunto nos ta keda elabora productonan innovativo pa eleva e sabornan stima sigurando cuminda di calidad. Awor nos clientenan por saboria nan hamburgernan faborito manera nunca antes”, Herly Herrera, Market Manager di McDonald’s Aruba a indica, entre e invitadonan special cu a haya e prome “tasting”.  

Sr. Herrera ta indica cu e desaroyonan positivo nan aki lo wordo implementa na tur e tres restaurantnan na Aruba: High Rise, Seroe Blanco y Santa Cruz. E proyecto aki ta parti di McDonald’s su strategia global y su implementacion na Aruba ta culmina cu e fase extensivo di desaroyo di producto nobo, training di empleadonan y proceso di certificacion riguroso pa proveedornan y e restaurantnan.  

McDonald’s Aruba ta introduci tres receta nobo di pan exclusivamente pa e marca, cu e norma nan di calidad cu a wordo establece pa desaroya formula traha sin sabor of colo artificial pa di e manera ey alcansa y  crea un pan ideal cu ta mas suave, cu un ‘glaze’ natural, perfectamente di ‘toast’ y un sabor unico. Durante e trayecto aki e compania lo duna training den e area di 'operational excellence' pa su empleadonan.

E evolucion di nan hamburgernan clasico  ta mantene e esencia di e sabornan cu ta haci nan unico y na mes un momento eleva e sabor pa haci’e mas dushi. Esaki ta un tremendo logro den e historia di e marca y ta e prome biaha cu nan a haci un cambio na nan producto for di lansamento, incluyendo e icono Big Mac® cu ta cumpli 55 aña. E cambionan ta reforsa e compromiso di McDonald’s y Arcos Dorados pa fortalesa e atributonan di calidad di e productonan y busca innovacion continuo pa garantisa cu nan hamburgernan ta mas miho presenta pa haci un gran diferencia pa nan clientenan. Cliente nan por disfruta di e version nobo y mehora di nan hamburgernan clasico  bishitando cualkier di nan 3 restaurantnan. 

A cera e evento di lansamento cu invitadonan gosando di e prome ‘tasting’. Nos special guests y invitees a disfruta di e cambionan chikito pero impactante. Nan a duna nan comentario positivo y aprecio pa e esfuerzo cu nos a pone pa mehora e sabornan cu nan ta conoci y stima.Tambe, durante e dia, un reconocimento especial a wordo otorga na e team  di empleadonan di McDonald's, kende ta e forsa tras di e cambionan aki. 

Pa mas imagen di e espectaculo evento y reaccionnan, por bishita e rednan social @mcdonaldsaruba.

###  

Tocante Arcos Dorados

Arcos Dorados ta e frankesa independiente di McDonald's mas grandi na mundo, cu ta opera e cadena di restaurantnan di servicio rapido mas grandi di Latino America y Caribe. E tin e derecho exclusivo di opera y otorga di McDonald's restaurant den 20 pais y teritorio di Latino America y Caribe cu mas di 2,300 restaurant, entre unidadnan propio y sub-frankesa nan, cu hunto ta emplea mas cu 95 mil persona (na 30/06/2023). E compania ta usa su plataform ESG, Receta di Futuro, pa haci un impacto positivo riba e comunidad den cua e ta opera. Arcos Dorados ta registra riba e New York Stock Exchange (NYSE: ARCO). Pa mas informacion tocante Arcos Dorados, por bishita e seccion di inversionista di nos website: www.arcosdorados.com/ir.