ORANJESTAD (AAN): Segun e datonan di Oficina di Censo y Registro Civil (juni 2024), pa Eleccion Parlamentario 2024, e mayoria di e votadonan registra ta consisti di hende muhe,
representando un 52% di e total di electorado. Esaki ta mustra un tendencia continuo di participacion fuerte di hende muhe den proceso democratico na Aruba.
Di otro banda, e grupo di votadonan masculino, hende homber, ta constitui di 48% di e total di electorado. Esaki ta indica cu e diferencia entre hende muhe y homber den cantidad di votadonan por ta chikito, pero sinembargo, hende muhe tin un representacion un tiki mas halto den e derecho di voto.
E informacion di Censo y Registro Civil ta crucial pa compronde y evalua e dinamica electoral den nos pais. Na un epoca crucial pa nos democracia, e cifra aki ta duna un bista di kico ta e distribucion actual entre hende muhe y homber cu por participa na Eleccion Parlamentario 2024.
Ta spera cu tur votado registra, sin distincion di genero, por a uza nan derecho civico pa forma un futuro miho pa Aruba.
