Evento di Aruba Lions Club riba Diasabra
ORANJESTAD (AAN): Diasabra awor for di 8:00 am te cu 12:00 pm, lo tin e di dos Feria di Salud na San Nicolas, organiza pa e organizacion social di Aruba Lions Club. E lo tuma lugar na sede di Colegio San Augustin MAVO den Pastoor Hendrikstraat. Esaki ta como 330 meter pariba di e entrada principal di Joe Laveist Sportpark.
Aruba Lions Club lo tey cu tur nan partnernan cu ta yuda haci e feria uno exitoso, incluyendo Mary Joan Foundation
Segun Jose Tromp di Mary Joan Foundation, nan lo ta presente un biaha mas na e Feria di Salud, y nan lo tin 3 Docter hunto cu nan, pa asina haci chekeonan di pecho eynan mes e mainta aki. Si acaso Docter detecta cualkier iregularidad, nan lo haci un anotacion inmediato pa e Docter di Cas di e pashent.
Na opinion di Tromp, pueblo ta ser invita pa bay na e Feria di Salud pa controla pecho, pasobra e ‘laag drempel’ ta asina abao, pa haci un ‘intake’ chikito y di biaha bo ta haya bo saminacion di pecho completamente gratis.
Tambe Jose Tromp di Mary Joan Foundation a recorda cu esaki no ta bay pa hende muhe so, pasobra chens ta habri pa e ser masculino tambe por participa na e chekeo di pecho aki.
