ORANJESTAD (AAN); Un di e popular weganan di Lotto keto bay ta Zodiac. Aki bo ta escoge un number consistiendo di 4 cifra, y bo ta agrega un signo zodiacal y ya bo ta den wega
.
Esey ta loke Martin a haci tambe pa e wega di merdia, y el a gana! Pesey riba Diabierna el a acudi na oficina di Lotto pa reclama su premio. Mesora nan a scan e barcode di su ticket, y e computer a mustra cu Martin a gana 12.750 Florin.
Despues el a duna nan su number di banco, pa asina e premio wordo transferi electronicamente pa su cuenta.
Martin a indica cu e ticket ganador el a cumpra na Vegas Lottery.
