Martijn Trading cu tremendo Housekeeping Week 2023

ORANJESTAD (AAN):  Martijn Trading conhuntamente cu Kimberly Clark Professional tin un tradicion cu tur aña den luna di September

den e di prome 2 dos siman ta celebra hunto cu e trahado di housekeeping di varios hotel na Aruba Housekeeping Week, cu mundialmente ta wordo celebra.

            E celebracion ta pa duna y mustra aprecio pa e trabou duro y dedicacion di e housekeepers cu ta mantene hotelnan y otro facilidadnan limpi pa bishitante y otro empleado.

            Martijn Trading conhuntamente cu Kimberly Clark Professional ta wak e importancia pa pone e housekeepers den un luz festivo. A presenta cu un ice cream truck y treat e trahado nan cu un dushi Nestle scoop ice cream cu nan por a escoge varios sabor cu nan tabata desea completa cu nan toppings.

            Na Hospital tambe tin e departamento di housekeeping cu ta duna di nan parti e servicio di housekeeping cu nos no mester lubida y ta uza e producto nan di Kimberly Clark.

            E evento special aki a ser organisa door di Business Manager Foodservice Kenneth Simoons cu ta representa e producto di Kimberly Clark di Martijn Trading cu ta wordo uza den e kamber  di varios hotel na Aruba.

            Martijn Trading ta hopi orguyoso di tur personal di housekeeping y di nan banda kier gradici nan pa nan servicio excepcional y compromiso na nos Turismo di Aruba.

            Pabien un biaha mas y danki pa boso trabou pa ta e pilar di nos economia cual ta Hospitality.