ORANJESTAD (AAN): Un di e weganan di mas popular di Lotto keto bay ta Zodiac. Aki bo ta escoge un number di cuatro cifra y agrega un signo zodiacal, y ya bo ta den wega.
Pero e ciudadano Martial a haci algo mas facil. El a pidi e rebendedor pa bende ticket cu numbernan loco pa wega di Zodiac merdia, y el a pone e suma cu e kier bet.
Ora el a mira e sorteo, el a bira contento cu el a gana. Pesey mes riba Diamars el a acudi na oficina di Lotto na Playa pa asina reclama su premio. El a bin cu un amiga.
Mesora a pasa e ticket pa trahadornan di Lotto, cu a revisa e parti patras pa mira si nan a pone e firma y number di banco. Asina a scan e barcode, y computer instantaneamente a indica cu el a gana 62.500 Florin cu wega di Zodiac Merdia.
Martial a indica cu el a cumpra e ticket ganador na Cura Cabay Lottery.
