ORANJESTAD (AAN): Den preparacion pa e temporada di horcan, Mariniers di Sint Maarten a participa na Caraïbes ‘26 siman pasa.
Esaki ta un ehercicio bienal, na gran escala den Caribe. E ehercicio, organisa pa Francia, ta enfoca riba yudansa humanitario y operacionnan di yudansa den situacionnan di calamidad.
Durante e di dos fase di Caraïbes, e Mariniernan di Sint Maarten a participa activamente. E entrenamento tabata basa riba un scenario realistico: un horcan devastador a asota e parti Frances di Sint Maarten. Den cooperacion cu tropanan Frances y Colombiano, e Mariniernan di Sint Maarten a localisa e residentenan (simula) y a evacua nan pa un area safe; tanto e barconan rapido FRISC como un helicopter Frances a keda desplega pa transporta e heridonan rapidamente y na unda manera safe.
Danki na e bon cooperacion entre e Marines, e forsanan arma Frances, e unidad Colombiano, y e otro partnernan internacional, e evacuacionnan di ehercicio a wordo realisa exitosamente. Durante e entrenamento, tur participante a comparti informacion, a sostene otro durante transporte, y conhuntamente a cuida e victimanan (simula).
Cada dos aña, Caraïbes ta reuni varios pais y partnernan local di Caribe pa fortalece e preparacion pa yudansa humanitario y reacciona riba calamidad den e region. E ehercicio ta provee un ambiente realistico na unda conocemento y habilidadnan ta wordo intercambia y desaroya.
