Mariniernan staciona na Aruba tambe a participa den parada na Suriname

ORANJESTAD (AAN): E bishita cu e barco di Marina Hulandes, esta Zr.Ms. Pelikaan a finaliza na Suriname.  Riba Diabierna nan a bandona Paramaribo.

   Nan bishita tabata un logro nobo pa bolbe traha riba cooperacion entre Hulanda y Suriname.

   Ademas di esey, riba Diahuebs e tripulantenan di e barco a participa tambe den un parada tradicional relaciona cu Dia di Independencia di Suriname.  Hunto cu mariniernan di e bootgroep Aruba, nan a cana den e defile tradicional, cu tabata un honor pa e militarnan Hulandes.

   President Santhoki a logra di trece basta cambio y renoba contacto cu Hulanda, y esaki ya ta dunando su fruto.