Mariniernan Hulandes ta train na y den becindario di playanan na Curaçao

ORANJESTAD (AAN): Militarnan di Cuerpo di Marinier, den e cuadro di un educacion special, ta eherce na diferente parti na Curaçao, exploracionnan (na playanan), y tambe accionnan anfibio y di buseo.

E actividadnan di estudio aki a start y ta tuma luga te cu (y incluso) Diaranzon 25 di Mei. E actividadnan ta parti di  un entrenamento di e estudio cu e titulo ‘Landingcraftsman’ cu parcialmente nan ta haya na Curaçao.  

E Militarnan ta forma parti di (‘Surface Assault and Training Group’ (SATG), Grupo di entrenamento pa Asalto riba Superficie, cu ta un unidad di Marinier staciona na Texel na Hulanda. E unidad aki ta specializa den operacionnan anfibio cu botonan cu por subi ateriza riba tera, cu otro palabra, nan ta opera na e frontera entre tera y laman.

E Mariniernan ta train entre otro, na e playanan of den becindario di e playanan na Curaçao. Esaki nan ta haci tanto na uniform, bisti  cu trahenan di buseo, y tambe posiblemente como civil.

Pa siguridad y pa e posibilidad cu na por keda reconoce, semper lo tin un Militar na uniform bisti presente. Curaçao, pa motibo di su circunstancianan climatologico apropia, (tal manera un bista cla bou di awa) ta eminentemente un bon localidad pa trainingnan pa ehecuta e tipo di destresanan aki, of pa siña con pa haci esakinan.

Na Fuik-baai durante e periodo aki, tambe lo haci uso di municion pa practica. Lo tin sonidonan di tiro si, lo por mira un rayo di lus, sin embargo no tin bala ta sali for di e arma.