Mariniernan a bay yuda autoridadnan durante cu Horcan Tammy a pasa na St. Maarten

ORANJESTAD (AAN): Horcan Tammy a azota Islanan Ariba riba Diasabra, ora el a pasa den cercania.

   Autoridatnan di St. Maarten riba Diasabra mes a haci un petishon na Defensa pa sostene nan cu Horcan Tammy. Defensa a duna oido na esaki y a pone trahador- y recursonan disponibel.

   St. Maarten mes ta tuma e iniciativa rond di coordinacion y gestion di tareanan y Defensa a sostene caminda ta nesesario cu trahador y recursonan. Tareanan cu ta keda ehecuta pa Marina ta entre otro, duna sosten cu vigilansha na prison, core patruya rond e isla, y caminda ta necesario, vigilancia di orden publico.

   Marduga, te ainda cu excepcion di algun incidente chikito, tal manera un accident di auto, a transkurí trankil. Banda di e recursonan di defensa cu ya caba a keda desplega, esaki si ta nesesario lo worde amplia.

   Sosten na autoridatnan local ta un di e tres tareanan primordial di Defensa. Defensa ta enfoca su mes riba yudansa inmediato, (di emergencia) durante y despues di paso di un horcan.

   Tammy a pasa cerca di St. Maarten como un Horcan di Categoria 1, cu biento maximo sosteni di 85 km/h.  For di varios ora prome, e compania NV GEBE a desconecta un area grandi di e isla unda ainda tin waya di coriente di voltahe halto instala, pa evita cu e wayanan aki lo cay y crea problema mas severo.