Marina ta reanuda buskeda di droga den Caribe

ORANJESTAD (AAN):  E barco di patruya Zr.Ms. Holland a sali for di Den Helder diahuebs  cu direccion Region Caribe.

Defensa pa e motibo ey, despues di un par di luna, atrobe tin nan barco di patruya staciona den e region.

 Zr.Ms. Holland segun ta spera  lo yega 26 di mei, pa medio di su entrada ceremonial na Corsow. Durante su tempo den Region Caribe, e tripulacion ta dirigi su mes entre otro riba operacionnan contra di terorismo y contrabando di droga y arma.

Forsanan Arma ta duna substancia cu esaki na su tareanan constitucional. Tal como mantencion di e orden legal internacional. E operacionnan ta tuma luga den operacion cu partnernan strategico tal como Warda Costa Region Caribe y ‘Joint Interagency Task Force South’ Mericano.

Zr.Ms. Holland ta un embarcacion Oceanico di Patruya (Oceangoing Patrol Vessel -OPV) y e tin un helicopter maritimo NH90 abordo.

 Na fin di December aña pasa, e prome barco di patruya  Zr.Ms. Groningen a bolbe bek Hulanda pa motibo di problemanan tecnico. Durante e periodo prome cu esey e tripulacion di e barco a intercepta entre otro miles di kilo di droga.

 Defensa tin 4 barco di patruya di Klase Hulandes. Esakinan ta navenan flexible pa ser uza pa vigilancia di nos costa y awanan teritorial. Zr.Ms. Holland den cuminsamento di 2018 tabata barco di patruya den Region Caribe pa ultimo biaha.