Marina Colombiano a captura 2.395 kilo di cocaina riba lama

CARTAGENA: Marina Colombiano a logra di intercepta un cargamento di 2.395 kilo di cocaina, cu tabata wordo transporta riba un speedboat tipo Go-Fast riba Lama Caribe.

   Oficialnan a detecta e boto aki moviendo cu velocidad halto ta alehando di Colombia, y mesora a pone diferente unidad di Guardacosta di e.o. Urabá y Coveñas cu a cuminza move den nan direccion.  For di halto, un avion di Grupo Aeronaval del Caribe, cu sosten di un avion di Forza Aereo Colombiano a realiza e control y keda duna guia.

   Esnan abordo di Go-Fast a cuminza move cu maniobranan pa evita cu nan ta wordo captura, y a regresa bek direccion tera y cu intencion di bay purba sconde na entrada di Rio Mulatos na Antioquia, y nan a logra di bandona e boto eynan y a cuminza huy.

   Autoridadnan awor ta sigui enbusca di nan.  Pero e droga hunto cu algun arma potente a wordo confisca.