Maria College feliz cu Aruba Volleyball Association a yuda cu net

ORANJESTAD (AAN): Recientemente Maria College Mavo na Oranjestad, a tene nan prome competencia di deporte pa aña escolar 2025-2026. 

Esaki a tuma lugar riba nan tereno di scol mes.

   Pero tabatin un dificultad, esta cu nan no tabatin un net pa e competencia di Volleyball.

   Aki ta unda cu e team dinamico di Aruba Volleyball Association (AVA) a dal un stap dilanti, y a contribui cu un net completamente nobo.  Y el a fit perfectamente den e gymzaal di scol.

   Pesey awor, Maria College ta gradici AVA y Percy pa boluntariamente duna un man pa pone e net profesional di Volleyball pa asina e studiantenan por participa y desaroya habilidadnan pa cu deporte y educacion.