ORANJESTAD (AAN): Un di e weganan di mas popular di Lotto keto bay ta Zodiac.
Aki bo ta escoge un number di cuatro cifra, y ta agrega un signo zodiacal y ya bo ta den wega.
Esey ta loke Maria a haci tambe, y el a gana! Pesey riba Diamars el a acudi na oficina di Lotto na Playa pa reclama su premio.
Despues di a revisa su ticket, e funcionarionan di Lotto a scan e barcode di su ticket. Computer a confirma cu Maria a gana 13.000 Florin cu e wega di Zodiac Merdia.
Mesora a cuminza cu e proceso pa transferi e premio electronicamente pa su cuenta di banco. Maria a indica cu e ticket ganador el a cumpra na JR-1 Lottery.
