Ing. Albertico Koolman:
ORANJESTAD (AAN) Albertico Koolman a duna di conoce, den entrevista cu DIARIO, cu NV Elmar ta instalando hopi smartmeter, no solamente den cas di famia, pero tambe den e transformernan y asina nan por monitor e carga con e ta creciendo riba e transformer, y tambe si ripara cu e ta birando di mas, nan por haci algo, manera pone un mas grandi, y tuma e precaucion necesario.
Encuanto e mantenimento di e sub-stacionnan di Elmar den barionan, Robertico Koolman a bisa cu esaki ta bayendo bon. Locual nan tabata tin pa pone e aña aki, a keda cla cu ne. Tin un parti chikito cu mester wordo haci ainda, cu ta e verfmento di trabaonan grandi, pero e resto a wordo haci, y nan ta satisfecho cu esey.
Aworaki nan ta bezig cu e stacionnan chikito cu ta e parti di mas grandi. Elmar tin siete substacionnan y tur aña un par ta bin na beurt, pero e chikitonan ta entre mil cu 1300, y nan plan di movecion ta bin di San Nicolas y poco poco ta biniendo Playa.
