Maneho pa ‘Bedlegerig’ pashent na cas por ricibi vacuna di Influenza y/of COVID-19

Mantene bo defensa halto

ORANJESTAD (AAN):   Pa proteha e grupo di risico cu ta ensera ciudadanonan  ‘bedlegerig’ na cas di bira hopi malo, desaroya complicacion y asta fayece debi na infeccion cu e virus di Influenza of COVID-19, DVG ta bay cuminsa ofrece e vacuna anual di Influenza y tambe e vacuna di COVID-19 cu ta contene e variante mas actual na ‘bedlegerig’ pashent (esnan na cama/inmobil) na cas.

            Tur famia cu ta desea pa nan familiar cu ta na cama na cas ricibi e vacuna anual di Influenza y/of COVID-19 por tuma contacto cu DVG na telefoon 5224200 pa registra. DVG lo tin un team di enfermeronan cu lo pasa na cas segun cita pa vacuna.

            Tur ‘bedlegerig’ pashent cuminsando for di 6 luna, ta bin na remarke pa ricibi e vacuna di Influenza y COVID-19 completamente gratis. Tur lokual ta nesesario ta un prueba di AZV y un cita cu mester wordo traha na DVG via telefoon 5224200.