Manchebo Beach Resort a yuda Club Kibrahacha celebra Dia di Mama

ORANJESTAD (AAN): Recientemente Manchebo Beach Resort & Spa tabata anfitrion di Club Kibrahacha pa celebra Dia di Mama.

  Como cu tabatin cabayero tambe presente, a dicidi na celebra Dia di Tata tambe.

   Bao di e pavilion di aire habri, como 200 miembro a disfruta di un delicioso almuerzo prepara pa chef Sandro Herold, y tabatin musica en bibo y bon ambiente.  Entre e invitadonan tabatin director di Club Kibrahacha, Jeffrey Matos y Ministro Ursell Arends, hunto cu gerente general Edgar Roelofs di Manchebo.

   Club Kibrahacha ta funda na 1983 y ta un iniciativa di Aruba Rotary Club, cu e meta pa establece y mantene un centro di actividad pa nos hendenan di edad grandi.