ORANJESTAD (AAN): Diasabra 1 di augustus lo pasa ‘E Bruha, bruhá 2 ‘Blijf Hier’ pa publico mira den naturalesa.
Fundacion Berea ta tene un anochi di fundraising pasando e pelicula aki. E pelicula aki tin como personahe principal e actris Yvonne Tromp como e madushi cu no ta permiti inhusticia tuma luga cu su famia. Tambe ta actua actornan Egmond Molina, Desiree Croes, Edwin Duijneveld, Addonsito Croes, Lelicia Tromp, Mirto Tromp y Shajir Croes eo.
E pelicula lo pasa pa 8:00 pm, y lo ta na Sero Pita 33.
Entrada ta gratis, pero lo tin un box disponibel pa contribucion. Tambe e cushina lo tin snack y co’i bebe cu lo ta recaudando fondo pa financia e ciclo final cu lo ta “E Bruha, bruhá 3” cu pronto ta start.
