Ministro Maduro di Cultura ta informa:
ORANJESTAD (AAN): E Modern Art Gallery y Laboratorium di Museo Arkeologico Nacional di Aruba (MANA) ta conoce renobacion danki na fondonan di TPEF. MANA ta prepara asina pa por presenta arte contemporaneo Arubano y internacional.
Dialuna mainta Ministernan Maduro y Oduber den presencia di Directornan di MANA y Oficina di Monumento y representantenan di TPEF, a firma cu e compania Van Kessel cu lo percura pa e trabaonan di renobacion. Esaki ta e di tres proyecto di mantencion cu fondonan TPEF ta cubri na MANA pa asina e museo por keda un luga bunita pa local y bishitante cera conoci cu nos herencia cultural. Importante ta cu e mantencion aki biaha ta encera tambe e edificio cu ta destina pa expone arte contemporaneo, un necesidad cu ta existi bou di nos artistanan local.
Minister Maduro ta gradici colega Minister Oduber, ehecutivonan di e fondo TPEF, Oficina di Monumento, Van Kessel y MANA pa e bon cooperacion pa haci e mantencion na MANA un biaha mas posibel na bienestar di Aruba su herencia cultural.
