Un tiki historia:
ORANJESTAD (AAN) Curacao ta marca historia como e pais mas chikito pa yega un mundial di futbol. Curacao y Aruba a hunga bala for di decadanan di 40-50 na Europa. E Federacion mundial di futbol, esta FIFA, a wordo funda na aña 1930. E proximo mundial di futbol ta bay bira e di 100 aña di futbol mundial. Nos por ta orguyoso cu nos futbol ta data for di temponan aya. Hungadornan Curasoleño y Arubano, for di temponan aya a destaca na Europa cu hopi prestigio.
Nos ta corda, “La Pantera Negra”, esta Don Ergilio Hato, un portero internacionalmente conoci. Don Pedro Matrona, un bek central di gran renombre mundial, cu tambe a destaca den e seleccion holandes. Otro hungadornan Curazoleño di renombre tabata señor Antuan Maduro, Don Federico “Dafadan” Jansen, Witheim Canword y hopi otro mas. Di parti di Aruba, e prome crack di futbol tabata señor Shelin Fingal na aña 1934, gran futbolista y goleador, Chas loepstok, gran goleador y un shot tremendo, entre otronan mas: señor Janny Brokke, Rai Helder, Edmundo Kemp, Chochie Brion, Tabata hungadornan di Aruba cu tabata briya den futbol di Aruba y internacionalmente. Awor nan ta destaca den braza di Señor Cristo. Tres leyenda futbolista di Aruba: señor Edwin Dirks futbolista FIFA, e portero, señor Juby Richardson, profesional y internacional; y, señor Calulu Comenencia, un medio campista di “del fino”.
Curacao ta clasifica pa mundial milagrosamente.
Milagernan no a bay for di e mundo aki ainda. E seleccion di Jamaica tabata hungando un gran partido. Un empate na cero goal ta laga Curacao keda clasifica pa mundial invicto. Ora cu e Isla di Corsou tabata den un oracion profundo, Dios a laga Jamaica dal e bala tres (3) ocasion den palo di goal y e referee ta anula un penal contra di Curacao. Asina e milager a cristaliza. Jeon, e artista Arubiano, a anima e publico y e seleccion cu su cancion: “Mama, wak unda bo yiu a yega Mundial di Futbol”.
E seleccion mundialista di Curacao ta sigui cu su preparacion pa e Mundial. Señor Dick, Advocaat lo suma retiro pa motibo personal y ta biaha pa Hulanda.
Señor Fred Rutten, otro Hulandes ta suma over. E partidonan di fogueo entre China y Australia no a bay bon, recibiendo dos derota. Tin un partido mas di fogueo na Europa contra Escocia na final di Luna di Mei.
Dia 6 di Juni prome biaha tin wega contra e seleccion nacional di Aruba. Nos lo ta desea nos seleccion nacional hopi exito y bendicion di Dios den e mundial aki, y cu e pueblo di Curacao lo sigui cu nan oracion.
Noticianan compila di futbol internacional di boso servidor, Ronny Elizabeth. E potretnan aki di archivo ta mustra e.o. homenahe cerca Gobernador Goedgedrag, y e futbolistanan Internacional di Aruba y Curacao na Willemstad y Curacao.
{gallery}MAMA, wak unda bo yiu a yega Mundial di Futbol{/gallery}
