Ludwina Krozendijk-Flanegien a cumpli 35 aña di servicio na Wit Gele Kruis.

ORANJESTAD (AAN): Recientemente señora Ludwina Krozendijk-Flanegien a cumpli 35 aña di servicio na Wit Gele Kruis Aruba como “Directie Secretaresse”.

   Nan a bay celebra Ludwina su aniversario di Hubileo na "The Flying Fish Bone Restaurant" den compania di Directiva, Staff, Personal  y Famia.

   Ludwina ta un persona cu ta traha cu hopi amor y dedicacion den su function pa nos fundacion, semper cu un sonrisa ariba su cara y semper ta cla pa yuda tur hende.

   Directeur di Wit Gele Kruis sr. Gino Goeloe a ortoga den nomber di Directiva y personal un plakaat na señora Ludwina Krozendijk como aprecio y agradicimento pa su bon trabao durante e 35 aña di Servicio na Wit Gele Kruis. Nos ta desea Ludwina hopi animo y perseverancia pa sigui cu e bon trabao cu semper el a sa di brinda nos fundacion. Cu Senor bendishona Ludwina ricamente y pa cumpli hopi aña mas na Wit Gele Kruis.

   Masha masha pabien y danki di curason pa e bunita trabao cu bo ta eherce tur dia.