ORANJESTAD (AAN): El a cumpra su number favorito di 3-cifra pa e sorteo di Lucky 3.
Esaki ta un di e weganan di mas nobo di Lotto cu ta hayando mas atencion.
Lucindo a dicidi na bet 10 Florin pa su number aki, y a dicidi na paga 10 Florin extra pa asina hunga e chens di haya mas placa, cu Multi-X.
Pa su sorpresa, su number a sali ganador tambe! Esey nifica cu Lucindo a gana 5.000 Florin cu e wega di Lucky 3.
Como cu el a cumpra Multi-X pa e wega, e bola cu a sali tabata X2, y esey nifica cu el a multiplica su premio 2 biaha. Su premio total tabata 10.000 Florin.
Dialuna el a acudi na oficina di Lotto na Playa pa reclama su premio. Ora di scan e barcode, e computer a confirma cu Lucindo a gana 10.000 Florin danki na e Multi-X.
Asina a cuminza cu e proceso pa transferi e premio electronicamente pa su cuenta di banco. Lucindo a splica cu e ticket ganador el a cumpra na Suerte Bini Bini.
