ORANJESTAD (AAN): Un di e sorteonan di Lotto cu hopi hende gusta hunga, ta Zodiac.
Aki bo ta escoge un number di cuatro cifra, y ta agrega un signo zodiacal, y ya bo ta den wega.
Esey ta exactamente loke Loma a haci, y el a gana tambe cu e sorteo di Zodiac Merdia.
Pesey riba Diahuebs siman pasa, Loma a presenta na oficina di Lotto na Playa pa reclama su premio. Aki mesora a controla su ticket, y e computer a indica cu el a gana 12.500 Florin.
Mesora nan a cuminza cu e proceso pa transferi su premio electronicamente pa su cuenta di banco. Loma a indica cu e ticket ganador a wordo cumpra na Ritmo Lottery.
