ORANJESTAD (AAN): Parlamentario Marco Berlis di MEP a duna di conoce cu el a tuma nota di un noticia cu a sali unda ta keda insinua cu supuestamente colega sr. Miguel Mansur su “grito a haya oido y awor tur parlamentario a haya parkeerplaats”.
Esaki sigur no ta cuadra cu e berdad y ta basa riba un conclusion eroneo.
"Nos como fraccion di MEP a bin ta traha riba esaki pa algun tempo caba, pesey DOW a pone e prome borchinan inicialmente for di algun siman caba. Ora cu nos a wak esaki no ta funciona, y cu toch tur hende ta keda parkeer den e lugarnan reserva pa e parlamentarionan, nos a sigui cu e peticion pa mehora nos parkeerplaats cu mas borchi na cada un y hasta nos a sugeri pa pone numbernan di auto di cada parlamentario na cada uno.
Loke ta wak aworaki como un logro pa parlamentarionan sigur no tin nada di haci cu Sr. Miguel Mansur. Mi ta skirbi e comunicado aki pa asina pueblo por compronde kico realmente a sosode.
Asina aki tambe pueblo por compronde cu no ta tur cos cu ta wordo lesa den noticia tur ora ta cuadra cu e berdad. Lo ta bon pa prensa haci su investigacion di e sucedido apropiadamente prome cu saca cualkier informacion oficialmente.
