Locutor Marcos Bislip Jr. ta conta su experiencia cu Covid-19/ Variante Delta

Tabata Dia 27 di Augustus 2021 cu e locutor, productor, presentador di programa na radio Marcos Bislip Jr. hunto cu su tata a wordo transporta cu urgencia cu ambulance pa Dr. Horacio Oduber Hospital na unda Marcos Bislip y su tata a keda interna.

            Ta asina cu Marcos Bislip Jr. no por a sigui presenta su programanan na radio.

            Bislip Jr. ta hopi conoci y stima na radio y hopi popular pa cu su seccionnan informativo.

            Earth News ta e seccion informativo y educativo tur dialuna anochi den e programa di Hit Express y den e seccion aki ta trece informacionnan di e pandemia tanto local y internacional. Marcos Bislip Jr. na radio tabata splica oyentenan con peligroso e delta variante ta sin sa cu e mes ta haya esaki. 

            Anto Marcos Bislip tur Dialuna anochi den e seccion informativo ta duna informacion di Covid-19 pa comunidad cuida y na unda el a cuida su mes mas cu un aña largo pero toch a haya e covid te ainda e no sa con el a haya esaki.

            Segun Bislip e  lucha tabata hopi intenso paso ta den ICU Intensive Care Unit bo ta wordo poni  debi cu bo a perde tur bo rosea cu bo ta hala normal via di bo pulmonnan bo bida y salud ta depende di e machine di oxigeno y bo ta wordo poni na aparato di monitoreo pa monitoria bo curason, bo oxigeno y tur otro partinan vital di bo sistema di bo curpa.

            E covid-19 Delta Variante aki a afecta hopi persona, den un camber cu Sr. Bislip a wordo interna den un dia por a mira 10 persona a drenta y despues sali.

            Bislip a cambia 5 camber en total y ta tres siman el a keda interna no ta algo facil bo mester controla bo atake di panico si no bo no ta mehora e lucha ta hopi intenso mester lucha pa e pulmonnan por alcansa di 80 Spo pa 90 Spo y di eynan sigui aument'e di 90 Spo pa 95 Spo y si por yega 98 Spo.

            Durante tres siman bo ta lucha pa sali di e situacion doloroso di e pandemia aki y mas duro ainda ora bo perde un ser keri e ta bira mas duro.

            Tabata Dialuna Dia  6 di September 2021 pa 4:27 am di marduga cu verpleester hulandes a kita e tubo di oxigeno for di Marcos su nanishi pa e por hala rosea normal via di su pulmonnan atrobe.

            Mientras cu Diamars Dia 7 di September 2021 pa 11:30 am di mainta Dr. Jacobs a informa Marcos Bislip cu e por bay cas pa 1:00 pm di merdia. Pa 2:47 di merdia Bislip a bandona su ultimo camber B 311-A  na hospital gradiciendo e verpleesternan y broedernan cu a trata Sr. Bislip manera famia. Tristo ta paso bo ta dispidi di nan y bandonando hospital e dolor ta mas grandi cu Marcos a sali sin su tata, un momento hopi duro. Pero el a cumpli cu e deseo di su tata pa sali di hospital.

            Marcos Bislip tin un remarke cu e kier trece pa dilanti cu entre Dia 3 di September, Dia 4 di September y Dia 5 di September 2021 cu e verpleesternan y broedernan cu tabata atende su tata a nenga di duna su tata atencion y asina mes su ruman muher a lucha pa yuda su tata pa cual Marcos mes tabata testigo.

            Sr. Marcos Bislip ta un first aid emergency responder y tur persona tur pashent tin derecho di haña atencion di wordo yuda te na final.

            Esey Marcos Bislip y famia no a keda contento y nos como famia a pidi pa duna su tata atencion pero nan no a worry mes.

            Marcos Bislip kier a aclaria algun informacion incorecto pa cu covid-19 esnan cu a fayece y esnan cu a sali for di hospital pa mas cu 2 pa 3 siman no ta contagia ningun hende paso e virus a muri y tur esnan cu tabata na hospital a ricibi un tratamento antibiotica etc. E protocol ta conta pa publico pa tur evento sea ta entiero of otro actividadnan.

            Pa no duna mal informacion pa spanta comunidad innecesariamente sin busca informacion prome.

            Marcos Bislip a busca informacion di e dokter cu a atend'e y tambe su tata y e ta hopi contento di tur informacion y pregunta cu e la haci na Dr. Jacobs cu a dune tur informacion un tremendo dokter. 

            Marcos Bislip ta recuperando satisfactoriamente na cas y pa November lo controla e pulmonnan y for di eynan Bislip lo ta bek na radio y sigur lo trece hopi informacion den su seccion informativo cu e tabata duna caba di covid-19.

            Por ultimo Marcos Bislip kier a avisa e comunidad pa cuida mas tanto cu ta posibel paso covid-19 Delta Variante no ta pordona sea bo a vacuna of no e ta afecta bo pulmonnan, e por ataca bo sistema nervioso, y por traha clompi di sanger den bo adernan cu por duna bo atake di curason un virus variante hopi peligroso pa humanidad.   

Marcos Bislip Jr.