ORANJESTAD (AAN): Minister Plenipotenciario mr. Ady Thijsen a tene un reunion cu Gregory Fun-A-Fat di United Farmers Aruba (UFA).
E reunion tabata den cuadro di bishita di trabao di Minister Thijsen na Aruba y ta un continuacion di combersacionnan anterior entre Minister Thijsen y UFA.
Meta di esaki ta pa mira riba cual topiconan Gabinete di Minister Plenipotenciario di Aruba na Hulanda por brinda sosten riba e tereno di agricultura. E potret ta cortesia di Arubahuis.
