ORANJESTAD (AAN): Keto bay e sorteo di Zodiac ta uno di esnan mas popular di Lotto.
Aki bo ta escoge un number consistiendo di cuatro cifra, y bo ta agrega un signo zodiacal pa asina bo ta den wega.
Esey ta loke Lisett a haci tambe, y el a bira feliz ora di nota cu el a gana. Pesey riba Diabierna el a acudi na oficina di Lotto na Playa pa reclama su premio.
Aki e funcionarionan a controla si acaso el a pone su firma na e banda patras di e ticket, hunto cu su numbernan di banco. Ora di scan e barcode, e computer inmediatamente a confirma cu el a gana 10.000 Florin cu e wega di Zodiac.
Asina a cuminza transferi e premio pa su cuenta di banco. Lisett a bisa cu e ticket ganador a wordo bendi na Rockies Lottery Noord.
