ORANJESTAD (AAN): Lily Clarisa y SKUPPA ta presentando un cancion EDM nobo, yama “Toughest Critic”.
Cu e tech house groove y mantra "I wanna be that voice inside your head," Lily Clarisa ta transforma ansiedad na seduccion y confianza.
Toughest Critic a wordo produci door di su amigo, producer y DJ di Aruba cu raiz na Suriname. Hunto Lily Clarisa y SKUPPA a traha un cancion pa oyentenan cu ta gusta musica cu ta ponenan pia move inespera, si ta na cas of den club.
Obtenibel via tur plataforma cu ta stream musico manera Spotify, Apple, Deezer, YouTube. Fecha cu a wordo lansa tabata Diasabra 16 di Januari 2026. E cancion ta di genero ‘Tech House’, pues pa fanaticonan di: Tove Lo, Cobrah, Tiësto, Charli xcx, Fred again...
Lily Clarisa ta un Arubiano kende a gana e premio "Awesome Poet Award" na Rotterdam como poeta, ex-docente di ingles cu a yega di duna les na EPB School, Colegio EPI y Biblioteca Nacional Oranjestad, E tin titulo di Master of Arts di English Literature y cantante di e banda di rock situa na Den Haag, Lilith Left The Garden, cu ta skirbi cancionnan cu ta move den e intersecion di poesia, feminismo, ritmo y presentacion.
Por sigui su YouTube na @LilyClarisaTheArtis.
SKUPPA ta un producer electronico, DJ y cantante di Aruba cu raiz na Suriname. SKUPPA su producion ta move den e genero EDM: Deep House, Techno y Groovy.
