ORANJESTAD (AAN): El a hunga su numbernan y tambe a escoge un mega ball. Na final recien el a gana un di e premionan di e sorteo di Mini Mega.
Pesey mes riba Diamars, Leyla a presenta na oficina di Lotto na Playa pa reclama su premio. Aki el a entrega su ticket riba cual e parti patras el a pone su firma, y tambe a yena e number di su cuenta di banco.
E trahadornan di Lotto a bay scan e barcode, y inmediatamente e computer a indica cu Leyla a gana 22.502 Florin di e wega di Mini Mega.
Di e forma ey, mesora a cuminza cu e proceso pa transferi e premio electronicamente pa su cuenta di banco. Leyla a indica cu e ticket ganador mes el a cumpra na Mandingo’s Snack na Piedra Plat.
