*Mester bin cambio den statutonan di APFA - ORANJESTAD (AAN): Durante un reunion di Formador di Gobierno, Sindicato di Trahadornan di Aruba (STA) a papia riba e cambionan cu mester wordo haci riba e ley di LMA pa locual ta trata empleadonan publico.
Diego de Cuba, Presidente di STA a bisa cu nan ta kere cu e cambionan ey ta na nan lugar y cu e LMA ta hopi anticua.
E ley aki merece un revision y mester bin cambio den dje, a remarca.
STA tambe kier mira cambio den locual ta trata e fondo di pension publico, caminda cu e sindicatonan a pesar cu nan tin representacion den e fondo aki, e representantenan ta wordo mara na un secrecia unda cu locual cu e sindicatonan ta desea di tende no por tende pasobra ta mara na e secrecia aki, a bisa. Esey no ta e mihor sistema.
STA ta kere cu mester bin mas transparencia y bin cu cambionan den statutonan di e fondo di pension. Esaki ta algo cu De Cuba ta kere cu no solamente STA ta experiencia y ta desea pa sosode.
Mayoria di e sindicatonan cu ta representa empleadonan publico tambe ta desea esaki. Mas transparencia den e fondo di pension publico APFA.
