ORANJESTAD (AAN): Sigur ta hopi contento cu na Aruba ya tin algun charger mas rapido cu antes.
E compania NV Elmar a confirma, cu e tan anticipa level 3 super-fast charger awor ta activo na e sucursal di nan, esta na Elmar Hato.
Esaki nifica, cu propietarionan di vehiculo electrico, prepara bo mes pa experiencia un nivel nobo di conveniencia y eficiencia pa bo necesidad di recarga bo vehiculo electrico. Awor bo por recarga bo vehiculo electrico te cu 80% den menos di 45 minuut. Sinti libera di preocupacion riba distancia y maneha bo vehiculo electrico cu trankilidad manera nunca antes! Nos ta dedica pa brindabo e miho solucion di cargamento disponibel.
No laga pasa e oportunidad pa disfruta di ELMAR su super-fast charger nobo “level 3”. Bishita nan app “evergo” awe mes pa registra pa EV ChargeUp of reserva bo sesion di cargamento y experiencia e conveniencia di nos fast charging station.
