ORANJESTAD (AAN): E siman aki DIARIO a bin haya sa di un desaroyo positivo entre Aruba y Hulanda.
Ta trata aki di Paul Sterkenburg (yiu di e conocido contratista di Aruba, Thom Sterkenburg ‘Tom Beton’ despues di varios aña a regresa e isla unda e ta bayendo viral cu su proyecto musical yama ‘Arucamba’.
Su tema musical ‘Not My System’, cu ta un cancion di protesta contra deshumanizacion cometi door di A.I., den menos di 48 ora a bira un fenomeno.
Viral na Hulanda: E noticia a bira un trend den region di Ede/Gelderland, y mientras tanto a wordo comparti mas di 365 biaha riba social media.
Pa Aruba, e release a wordo difundi door di media, cu a conduci na un ola di reconocemento y reaccionnan fabuloso rond di e legado di ‘Tom Beton’ riba e isla.
Esnan cu kier scucha e musica via Spotify, por check e website aki:
E storia di Paul, di 60 aña di edad, ex-trahador di horeca, (tur hende ta corda Arucamba Snacks), y awor cu un musica roots-reggae crudo. E ta ofrece un bista unico riba e dimension humano den un mundo digital.
