ORANJESTAD (AAN): Sharline Koolman, Crisis Team Leider a duna di conoce cu e hobennan entre 12 pa 17 aña tin tur posibilidad pa haya nan vacuna.
"Laga e hobennan aki vacuna pa ora scol cuminsa of un siman prome cu scol cuminsa. Nos tur no cuminsa ansha atrobe. E biaha aki tin vacuna, a remarca.
Laga e muchanan aki vacuna pa ora nan bay scol. E maestronan tambe mester probecha aworaki cu nan por tuma nan vacuna.
Ta berdad cu aworaki no tin suficiente vacuna riba e isla, pero nan ta bay yega. e momento cu e vacunanan yega, haci uzo di esakinan pa evita cu hobennan ta bay perde scol, perde les na comienso di un aña escolar, a bisa.
Aña pasa hopi hende a lamenta cu scolnan y e hobennan a wordo hopi biaha perhudica pa motibo cu den klas un mucha a sali positivo, klas mester a bay cas, maestronan mester a bay den cuarentena.
"Ban evita esaki y por fabor, e momento cu tin vacuna suficiente y bo por vacuna haci uzo di esakinan", Koolman a enfatisa.
