ORANJESTAD (AAN): La Cabana Sports Week 2026 tabata un celebracion extraordinario di trabao den team, deporte y spirito colegial.
Comitee Social di e resort tabatin e reto di organiza un siman deportivo inolvidabel pa tur miembro di e team, nan famia y sostenedornan, kende tabata invita pa participa y anima nan sernan stima. Durante e siman, tabatin competencia emocionante di piscamento, kickball, futsal y domino, cu excelente prestacion di teamnan di henter e resort.
Felicitacion na tur campeon, entre nan Adriana Tromp, campeon di pesca; Los Torturadores di Pool & Beach, campeonnan di kickball; y Los Galacticos di Housekeeping, campeonnan di futsal.
La Cabana tambe ta orguyoso di reconoce Lynette DoNascimento, Assistant Front Office Manager, como Líder di Segundo Trimester, pa su liderazgo excepcional y dedicacion na e lugar di trabao. Lynette a keda honra durante Sports Week pa su servicio sobresaliente n’e resort.
Tur competencia a transcuri den un ambiente amistoso y yen di energia, compaña pa musica di Jerino Bass & Friends.
https://diario.aw/categories/noticia/general/la-cabana-sports-week-2026-a-trece-tur-empleado-hunto-den-dushi-ambiente#sigProId6de318912f
