Frans Ponson, presidente CUA a indica:
ORANJESTAD (AAN)- Frans Ponson, Presidente di Comerciantenan Uni Aruba (CUA), a menciona den entrevista cu DIARIO, cu KvK (Camara di Comercio y Industria) a declara cu 90% di Aruba ta draai cu comerciante chikito.
“Pa un comerciante chikito, cu tin 3 of 4 hende trahando cu ne, e inflacion ta bay ta algo masha grandi mes. Mi ta kere cu esaki ta bay separa e comerciante chikito di e grandi. E grandi ta bira mas grandi y e chikito ta bira mas chikito”, Frans Ponson a expresa.
El a subraya cu e comerciante chikito ta bay tin hopi problema pa sigui, y sigur e lo tin cu retira trahado, y e ta bay uza mas AI, cu ta cosnan cu tey caba pero nan no ta uze.
“Bo ta bay haya negoshinan cu ta bay cuminza uza hopi mas e inteligencia artificial, y nos prijs compra cu e region ta bay tin un diferencia asina grandi, cu ken stranhero lo no kier bin traha na Aruba?” el a señala.
Segun Ponson e mercado “zwak” ta bira mas grandi pasobra nan ta bay paga sueldonan swak na e trahadornan. “Esaki ta un topico cu ta wordo papia? Si! Pero e mester wordo dicidi den dos siman, pasobra gobierno kier? E ta hopi iresponsabel! Frans Ponson a remarca.
