AMSTERDAM: E siman aki e aerolinea KLM a cuminza cu dos vuelo semanal for di Schiphol pa Georgetown, cu un escala na St. Maarten.
E ruta nobo di e aerolinea na e pais bisiña di Suriname, ta wordo bula riba Diaranson y Diasabra. Vuelo KL789 ta sali 10:00 am for di Amsterdam, y ta yega 1:00 pm na St. Maarten.
Despues di un rato, pa 2:20 pm e vuelo ta sali pa Georgetown unda e lo yega pa 4:35 pm.
E vuelo di regreso pa Amsterdam ta sali 5:55 pm for di Georgetown, y ta ateriza e siguiente mainta pa 9:15 am na Hulanda.
E vuelo aki di regreso si ta uno non-stop. E vuelo aki ta wordo haci cu un Boeing 787 Dreamliner.
