Kiwanis ya ta cla cu nan tent di cuminda riba Boulevard

ORANJESTAD (AAN): E tent di Kiwanis Club of Palm Beach na e cruzada di semper di Adriaan Lacle Boulevard y Henny Eman Boulevard ya ta den halto. 

Nan a haci tur preparacion y ta casi completamente cla pa e prome parada.

   E tent di Carnaval aki di Kiwanis Club of Palm Beach semper ta un lugar caminda hendenan por yega pa asina combersa, disfruta di delicioso Sopi Oester, Pan cu Sate, Pan cu Stoba, Pan cu Keri Keri, y e tradicional Hotdog, Pastechi, y Croket tambe.

   Tur ganashi ta bay pa instancianan caritativo pa yuda muchanan, y pesey hopi hende ta hasta yama esaki e tent di FUNdraiser F&B, y ya caba a bira un tradicion stima di temporada di Carnaval.  Tur hap cu bo dal di pasaboca aki, ta sostene un causa importante riba e isla.

   Nan prome parada pa duna servicio lo ta Diadomingo 1 di Februari 2026, esta Parada Grandi di Mucha na Playa.