Kiwanis Club Palm Beach ta bay celebra su di 26 edicion di “Kiwanis Masquerade Party”

Gilmar “Cheito” Croes ta anuncia cu gratitud:

ORANJESTAD (AAN) Den un conferencia di prensa, Gilmar “Cheito” Croes, Chairman di “Kiwanis Masquerade Party” a duna informacion tocante e evento aki, den su 26 edicion.

Cheito a cuminza expresando su sentimento di gratitud pasobra un biaha mas, na 2025, nan ta bay organiza pa di 26 biaha e “Masquerade Kiwanis Party” y esaki ta bisa hopi di e fiesta caba.

“Nos tin hopi evento, fiestanan cu a sosode den pasado, y no ta semper por logra di tin asina hopi cantidad y mi ta kere p’esey e acto y sentimento di gratitud. Nos ta contento cu semper pueblo a sa di respalda e fiesta aki y nos ta hopi entusiasma y cla pa organiza un otro edicion durante e periodo di carnaval”, Cheito a señala.

El a informa cu e fiesta aki ta bay tuma lugar dia 21 si Februari proximo, na Renaissance Convention Center cuminzando pa 9.30 or di anochi. E biaha aki con tres banda cu a Infusion, Tsunami y Robert J’eandor y su Solo Banda Show. Manera e custumber di semper ta, lo tin diferente sorpresa y otro actonan cu lo wordo presenta e anochi aki.

El a indica cu tur esnan cu tin un disfraz por bisti’e e anochi aki, y tin suficiente tempo pa crea uno tambe pa e ocasion aki.

Cheito a manera pueblo ta custumbra cu ne, esaki ta un di e fundraisingnan di mas grandi durante e aña aki. E idea ta pa Kiwanis Club por recauda suficiente fondo pa duna bek na comunidad, y tin diferente programa cu nan ta ehecutando.

Cheito a referi na esun di e aña aki cu yama “Invest in me” cu ta di indole financiero, pa tur mucha di scol basico por siña con pa maneha finanzas y fondonan, y esaki ta e parti great unda por introduci otro programa na comunidad, y tur esaki danki na e fiesta di mascarada cu lo tuma lugar dia 21 di Februari 2025.