ORANJESTAD (AAN): Den fin di siman, DIARIO a tuma nota di un forma unico cu e organizacion di Kiwanis Club of San Nicolas a bin cu ne,
pa asina comunidad por yuda muchanan di e isla, por tin un sonrisa saludabel henter aña.
Ta asina cu hopi mucha den comunidad no por haya cuido basico di djente, pues hasta algo simpel manera un bishita na Dentista ta bira imposibel. Casonan di djente cu no ta haya tratamento, ta ocasiona dolor, ta afecta educacion, y ta daña e confiansa cu e mucha tin.
Esey ta e motibo pakico Kiwanis Club of San Nicolas a lanza e asina yama ‘Smile Drive’, un iniciativa di recauda fondo pa yuda muchanan ricibi e cuido cu nan mester di dje urgentemente.
Personanan cu kier yuda, lo bay cumpra un di e cupnan largo aki conoci como ‘Tumbler’. Cada uno lo costa 75 Florin, y e placa ey lo wordo destina pa yuda 1 mucha pa henter un aña largo. Pues si bo cumpra 2 Tumbler (pa 150 Florin total), bo ta yudando 2 mucha pa henter un aña largo.
Bo por cumpra bo tumbler riba Pay.aw y tambe nbo por cumpre riba Sentoo.me
Aki bo ta escoge e color cu bo kier, esta blanco, lavender, navy blue, y sage green. Cada Tumbler ta bin cu e emblema di ‘Smile Drive’ riba dje. Nan ta carga 25oz. di liquido, nan ta di e marca HydraPeak, y por mantene liquido frieu pa 30 ora largo, of liquido cayente pa 12 ora largo.
Pronto lo publica e fecha di nan Smile Drive pa cumpradornan pasa recoge nan Tumbler. Of bo por manda nan un mensahe riba Facebook pa asina nan pasa entrega e Tumblernan pa bo.
