Kiwanis Club of Aruba a enfoca riba Dia Mundial di Awa

ORANJESTAD (AAN): Recientemente durante e Reunion General Anual di Kiwanis Club of Aruba, nan a dicidi na combina esaki cu e tema reconociendo e recien observa “World Water Day”.

   Na e ocasion aki, nan tabatin Asja Dongen di WEB Aruba NV como nan orador invita, kende a tuma mic y a ofrece un presentacion hopi interesante y revelador.  E miembronan di Kiwanis Club of Aruba a mustra un gran interes, y a haci numeroso pregunta pertinente y a contribui na un debate hopi dinamico mes.

   Kiwanis Club of Aruba ta manda nan sincero gradicimento na señora Dongen pa comparti su conocemento y a haci e anochi tanto informativo y tambe cu hopi inspiracion.