Kerki Protestant na Piedra Plat

E Domi Nicolaas Kuiperi tabata biba na Aruba entre 1858 te cu 1871 y a mira e necesidad pa construi un otro Kerki Protestant.

Desde Augustus 25 1822 e habitantenan di Aruba cu creencia Protestant por a sigui sirbishi na cas di e maestro y maestro di religion Karel van Eekhout.

Por bisa cu esaki ta e dia oficial di comienso di e Comunidad Protestant na Aruba.

Na 1844 tabata e maestro di religion Abraham van Dragt tabata yuda den e Comunidad Protestant y despues ta Christaan van der Ree.

Na 1857 Nicolaas Adrianus Kuiperi tabata oficialmente nombra como predicador di Comunidad Protestant.

Nicolaas Kuiperi a sinti e necesidad pa traha un Kerki Protestant. E motibo ta cu algun creyente pa falta di transportacion no por a atende sirbishi na e Kerki di Playa cu tabata duna sirbishi desde 1846.

E “ Kerkenraad” a dicidi di cumpra un cas, un mangashina y un tereno grandi na Canashito.

E meta tabata cu e cas lo bira e Kerki,e mangashina mester a bira e school.

Na 1860 a cuminsa duna sirbishi na Canashito.

Na 1879 malechornan a drenta e Kerki di Canashito y a haci destruccion.

A haci e reparacion necesario pero 10 aña despues e Kerki no tabata apto mas pa duna sirbishi.

Cu ayudo di collect a traha un Kerki nobo na Piedra Plat y a tene e prome sirbishi na 1898.

Na 1895 a kita tur cos di e Kerki di Canashito pero a sigui usa e santana te cu 1903 ora cu Piedra Plat a haya su propio santana Protestant. Tabata tin diferente defunto dera den e santana protestant na Canashito, principalmente di fam Croes.

Na 1932 debi na un mal tempo e Kerki Protestant di Piedra Plat a basha aden pero den un tempo cortico a haci e reparacion necesario.

Na 1901 a traha un school pega cu e Kerki y tabata prome maestro tabata Kuiperi.

Despues a sigui W Croes na cabes di e school.

Tabata tin entre 20 pa 25 alumno y tabata duna les di Dialuna pa Diasabra cu Diaranson y Diasabra despues di merdia ta liber. 

Compila pa Roberto Croes

Nos Historia Nos Herencia