ORANJESTAD (AAN): Cu gran satisfaccion ALL-TO-CAR ta anuncia cu Kenneth Wever ta asumi e responsabilidad como managing director di e compania desde 1 di juni ultimo.
Gerencia ta convenci cu e conocemento y experiencia basa riba e maneho di compania di auto na Aruba y Corsou lo ta di gran beneficio pa e famia di colega y clientenan di ALL-TO-CAR.
ALL-TO-CAR actualmente ta e compania lider den e mercado local pa vehiculonan electrico. Estudionan reciente ta demostra cu un cambio pa auto electrico tin un impacto positivo den e medio ambiente global. Esaki ta nifica un mehoracion den e calidad general di aire y menos emision di gasnan toxico.
Door di e tarifa conveniente di importacion riba autonan electrico y e aumento den prijs di combustibel, autonan electrico ta hopi mas economico compara cu esnan convencional di diesel of gasolin.
ALL-TO-CAR ta sigura su cliente y clientenan potencial un servicio di calidad halto; mas ainda awo cu ta conta cu e liderazgo di Kenneth Wever tra’i stuur di e compania. E direccion ta pa hiba Aruba den e futuro di vehiculonan electrico
