Juliana School MAVO a logra 88 porciento di graduado

ORANJESTAD (AAN): E alumnonan sabi y contento cu a gradua na Juliana School MAVO cu ta situa den Compleho Deportivo Franklyn Bareño na Piedra Plat,

recien a bisti nan trahe special pa asina presencia nan anochi di graduacion den un ballroom local.

   Tanto alumnonan, cu nan mayornan, docentenan, y tambe Ministro di Enseñanza Gerlien Croes tabata presente pa asina manda felicitacion grandi pa tur graduado di Juliana School, kendenan a logra un excelente resultado di 88 porciento di graduacion.

   Aki Ministro a declara: “Sigui kere den boso mes, sigui studia y no tene miedo di soña grandi. E diploma aki ta solamente e cuminsamento di hopi oportunidad nobo.”  E potretnan aki pa cortesia di Ministerio di Enseñanza.