ORANJESTAD (AAN): Manera ta conoci, e edificio icono di Julianaschool den Madurostraat na Playa ta bandona pa basta tempo caba.
Su situacion a deteriora bastante, te cu Gobierno a opta pa realoca temporalmente e alumnonan den Compleho Deportivo Franklyn Bareño na Piedra Plat. Ta parce cu e mudamento ‘temporal’ aki ta birando hopi largo.
Kico pa haci cu e edificio deteriora aki? Pa hopi aña caba no tin contesta, pero Diamars atardi den un esfera ameno Minister Endy Croes a reuni cu directora di Juliana School, sra. Paula Croes y sra. Alexandra Beumer riba diferente topico.
Durante e encuentro a trata e.o. un posibel edificio nobo pa Juliana School. Arkitecto, sr. Jouel Croes tambe tabata presente durante e reunion. Minister Endy Croes a expresa; nos ta creativo y tin luz na horizonte.
Mandatario di Enseñansa ta traha cu porta habri y solucion concreto na bienestar di enseñansa di nos pais.
