Juffrouw Eta a baha cu pensioen despues di 30 aña di enseñanza na Colegio Laura Wernet-Paskel

Coleganan y alumnonan a festeha su cumpleaño 65 y gradici pa tur loke el a haci pa e scol:

Juffrouw Bernadeta Figaroa- Geerman, miho conoci como Juffrouw Eta, di e team di maestronan di Colegio Laura Wernet-Paskel, a cumpli 30 aña den enseñanza, 65 aña di edad, y tambe a baha cu su pensioen bon mereci. E ta un

            Diamars cu a pasa, esta 22 di October, a celebra su añanan di servicio y a dispidi di dje como juffrouw cu un Santo Sacrificio di Misa special, na Misa Immaculada Concepcion na Santa Cruz. Despues nan a bay na Centro San Martin, unda di 9.30 am te 12.or di merdia, a celebra Juffrouw Eta su cumpleaño y cu e ta bay disfruta di su pensioen.

            Juffrouw Etta a traha tur su 30 añanan di servicio na Laura Wernet-Paskel Scol, y e team completo cu a aprecia hopi e trabao cu el a haci, hunto cu e alumnonan a entrega un regalo na Juffrouw.    El a haci hopi pa e scol durante tur e añanan aki, y hopi biaha danki na su esfuerzo y perseverancia, el a dirigi hopi proyecto na scol, cu tabata un gran exito, y a gradici Papa Dios pa tur su añanan na scol, y logicamente, a gradici Juffrouw pa tur esaki. E tabata acompaña pa su famia, su casa y su yiunan.

            Den Centro San Martin cada klas a haci un presentacion na honor di Juffrouw Eta, y a canta canticanan na Papiamento, cu e Juffrouw mes a siña e alumnonan pa esaki no bay perdi.

            Pues, un homenahe bon mereci, cu e miho deseonan pa futuro. Diario tambe ta yama Juffrouw Eta pabien, y cu e goza hopi di su pensioen y di su famia.