ORANJESTAD (AAN): Tabata Diahuebs siman pasa cu e jackpot pa e sorteo di Lotto di Dia tabata na 105 mil Florin.
E anochi ey, e numbernan ganador cu a sali tabata 09, 12, 13, 16, y 26.
Esey ta tur cinco number cu Juana tabatin riba su ticket! El a bira e unico ganador di esaki, y riba Dialuna el a acudi na Oficina di Lotto na Playa pa reclama su premio.
El a splica cu el a djis cumpra su numbernan di suerte, y a gana! E funcionario di Lotto a revisa su ticket pa check si el a pone su firma y su numbernan di banco na e parti patras di e ticket. Ora cu a scan e barcode, e computer a confirma cu Juana a bira ganador di 105.000 Florin cu ta e jackpot di Lotto di Dia.
Mesora a sigui cu e proceso pa transferi e premio electronicamente pa su cuenta di banco. Juana a indica cu e ticket ganador el a cumpra na Get Rich Rudolf Arendstraat.
