ORANJESTAD (AAN): E wega tan gusta di Zodiac, ta uno facil. Bo tin di djis escoge un number consistiendo di cuatro cifra, y bo ta agrega un signo zodiacal y ya bo ta den wega.
Esey ta loke Jozef a haci, y el a gana tambe! Pesey riba Diaranson el a acudi na oficina di Lotto na Playa pa reclama su premio. Aki e funcionarionan a revisa su ticket pa check si el a pone su firma y numbernan di banco parti patras di e ticket.
Ora di scan e barcode, e computer a confirma cu Jozef a gana 50.000 Florin cu e wega di Zodiac. Mesora a transferi e premio electronicamente pa su cuenta di banco. Jozef a cumpra e ticket ganador na Ritmo Lottery.
