Jose Wever a cumpli 25 aña den servicio di Gobierno

ORANJESTAD (AAN): Recientemente Minister di Finansa Xiomara Maduro a ricibi na Bestuurskantoor sr. Jose L.F. Wever kende a cumpli 25 aña di servicio publico na Departamento di Aduana.

   Tabata un momento masha ameno na unda den presencia di director di Departamento di Aduana Sr. Ricky Croes y Señora Corinne Cabenda, Hoofd van Dienst na Inspectie der Invoerrechten en Accijnzen, a gradici Jose pa su aporte na e servicio publico di Pais Aruba.

   Minister Maduro a entrega Sr. Jose Wever su respectivo decreto gubernamental y un recuerdo pa e ocasion special aki den nan trayectoria di trabao.