Anteriormente a dirigi Aeropuerto di Curaçao
ORANJESTAD (AAN): Despues di comunicacion cu Hunta di Supervision riba e posicion di CEO, Minister Wendrick Cicilia riba Diahuebs mainta a confirma e nombramento di Jonny Andersen pa dirigi Aruba Airport Authority NV. Anderson ta ex-CEO y Managing Director di Curaçao Airport Partners.
Jonny Andersen ta trece cu ne mas cu dos decada di experiencia di liderazgo di aeropuerto internacional, incluyendo funcionnan halto na Aeropuerto Internacional di Curaçao, Kenya Airports Authority y Avinor AS. Reconoci pa su vision strategico y enfoke fuerte riba excelencia operacional, sostenibilidad y compromiso di stakeholder, ta considera Jonny Andersen como un persona bon ekipa pa guia AAA den e siguiente fase di desaroyo.
Experiencia amplio: Jonny Andersen tambe anteriormente a dirigi y implementa cu exito un programa ambicioso di optimalisacion di gasto multi-aeropuerto, logrando un reduccion drstico den e gastonan di henter un grupo di aeropuerto sin afecta e calidad di servicio. E experiencia aki ta specialmente relevante pa Aruba, mirando cu AAA a inicia e siguiente fase di Gateway 2030, unda cu maneho financiero disciplina, continuidad operacional y control cuidadoso di costo lo ta esencial pa entrega un aeropuerto moderno y eficiente.
Durante su periodo na Aeropuerto Internacional di Curaçao, Jonny Andersen a logra varios desaroyo importante, esta a aumenta e trafico di pasahero di 1.5 miyon na aña 2022 pa 2.2 miyon na aña 2024, marcando un crecemento historico pa e aeropuerto conoci awor como ‘CUR’. Tambe a debolbe CUR na rentabilidad pa prome biaha desde aña 2017 y a entrega un rendimento financiero record den cada un di e siguiente tres añanan. Tambe el a renoba e imagen di CUR y a posiciona e aeropuerto como dos biaha finalista pa e premionan di Routes World y Routes Americas den su categoria.
A mehora e puntuacion di satisfaccion di pasahero di ACI ASQ di 3.78 pa 4.16 y a sigura e prome ranking di CUR di SKYTRAX entre e lidernan regional.
A sigura un Aerodrome Certification nobo y a avansa e metanan di sostenibilidad di CUR. Fortalece colaboracion cu gobierno, comunidad y stakeholdernan di industria pa alinia e desaroyo di aeropuerto cu e prioridadnan nacional.
Como accionista mayoritario, Minister Wendrick Cicilia ta enfatisa e importancia di liderazgo y experticio pa garantisa cu Aeropuerto Internacional Reina Beatrix ta keda un gateway confiabel, competitivo y di calidad halto pa futuro di nos pais.
“Aruba Airport Authority tin un rol esencial den nos desaroyo nacional”, Minister Wendrick Cicilia a duna di conoce. El a sigui bisa: “Cu e historia demostra y experiencia profundo den e industria, Jonny Andersen ta bon posiciona pa construi riba e progreso alcansa caba y pa guia e aeropuerto den su siguiente etapa di crecemento y excelencia. Compromiso, experticio y continuidad a forma e fundeshi riba cua nos ta sigui construi.”
Minister Cicilia ta gradici tur partner envolvi den e proceso di escogencia y ta spera di por sigui colabora mientras AAA ta avansa den su desaroyo strategico y a largo plaso.
